صرخة قلب.. ونزعة ميت

مسموح ياللي عن جروحي تخليت
وهم تفجر من ظلوعي دمرها

خليتني يوم إني لاسراري أبديت
ودمـوع قدامــك تســايل نهــرهــا

عطـيتك خفـوق مـلكـك وعـييت
والعـين من عقبك تزايد سهرهــا

أبديت لك شيٍ عن الناس أخفيت
وأوجاع في صدري زماني طمرها

حسيت بي من أول يومٍ وهـلـيت
وصـوتك مـعـي والـعين ونظـرهـا

لكـن أنا قـلت وبالـقــول وفـيت
ليجـتني البسمه حـظي عثـرها

كمكمت أنا همومي سنينٍ وغطيت
جــروحٍ دفينه صـمتي سـترهــا

وحطتني أقداري على بابك وونيت
ونــة ظــمى روحـي ويّا قدرهــا

وبْشوفك أنعشت قلبــي وهـزيت
سنين بصــدري تطـاير غبـرهـــا

صرت أبتسم وياك ولا أذكر أبكيت
عيني ولا حتى منامي عسرهـا

أسقيتني في ظمى الوقت وأشفيت
جروحٍ عقب ما كان يمي خطرها

واليوم تفجعني بعلمٍ وشقيت
صــدري.وقلبك لـروحي أسرهـا

تطلبني أظماك من عقب ما أرويت
كل الظمى فيني وشوقك مطرها

أوجعتني حيل يالغالي وغزيت
سهـم بقلـبي وظلوعي شطـرهـا

أبكيتني ليه وأنت الذي أنسيت
مـن عـيني دمــوعٍ تـزايد عـبرهــا

ما أمداني أهناك من يوم ما جيت
ما أطـفيت أنا مـن سنيني قهرهـا

أنا أشهد أنك على القلب شبيت
نار الغضى تحرق هشيمي وخضرها

ياصرخة القلب ويا نزعة الميت
يا نهــدةٍ تـزفــر بقلــبي حـررهــا

أبدي عذابي وللقلب تشتيت
وأبدي ضياع دروب عمري وأثرها

الحزن فيني وأنا كلي تهاويت
مالــي شمــوخ لحـياتي ونظرها

ضايع وضيعني زماني وعزيت
قلـبي علـى فقـد الحياة وخبرها

بقولها مسموح وإن جيت فزيت
أنت الذي تطفي بحياتي شررها

وبودعك لو رحت عني وقفيت
وأقـول يا حسـرة خواطـر كسرها

جوعتني والله ولكلي أظميت
وشكـواي تعرفـها وقـربك نثرهـا

وأبذكرك والله لاصبحت وأمسيت
وباذكـر ليـالي سـود صاير قمرها

وإلى ذكرتك من الصدر جريت
تنهيدة المكـتوم بصـدره حشرها

وبتدمع عيوني وللدمع حطيت
وسط القلم واكتب ناري وجمرها

وآخر كلامي من الشعر لك بيت
ياللي القصايد فيك ما تكفي ونثرها

محتاج لك حيل لك كلي ولا أعطيت
غيـرك ولـو أبعــد مــواني بـحــرهـا

أنت الوفــا ولجـلك أنا لك وفــيت

روحي دمار وأرجيك ياخل تعمرها

اعجبني فنقلته لكم